Мұнай мен алтын бағасы күрт өсті
Макроэкономикалық жағдайларға байланысты бұл бағалардың өсуі мүмкін деген болжамдар сақталып отыр.
Әемдік нарықтарда мұнай мен алтын бағасы күрт өсті. Бұған Таяу Шығыстағы шиеленістің күшеюі және Украина мен Ресей арасындағы қақтығыстың жалғасуы себеп болды. Бұл жағдайлар инвесторларды "қауіпсіз активтерге" басымдық беруге итермелеп, алтын мен мұнай бағасын жоғарылатуда.
Таяу Шығыстағы шиеленіс: АҚШ Қорғаныс министрлігі Израиль мен Иран арасындағы қақтығыс ықтималдығына байланысты Таяу Шығыста зымыран суасты қайықтарын орналастыру жоспарларын жариялады. Бұл жаңалық аймақтағы шиеленістің өсуіне себеп болды, ал мұнай бағасы осыған байланысты көтеріле бастады.
Украина мен Ресей арасындағы қақтығыс: Ресейдің Курск пен Белгород аймақтарынан тұрғындарды эвакуациялауы және украиналық күштердің шабуылы мұнай бағасының өсуіне әсер етті.
Нәтижесінде, Comex биржасында алтын фьючерстері 1,2%-ға өсіп, унциясы 2500 АҚШ долларына дейін жетті. Brent және WTI мұнай фьючерстері шамамен 3%-ға өсіп, сәйкесінше 81,77 және 78,25 АҚШ долларына дейін жетті.
Алайда, сәрсенбі күні Азия сессиясы кезінде алтын мен мұнай бағасы сәл төмендеді. Дегенмен, макроэкономикалық жағдайларға байланысты бұл бағалардың өсуі мүмкін деген болжамдар сақталып отыр.
