496
«Ұрып, тістеп алған»: Алматыда ер адам әйел жүргізушіге күш көрсетпек болған (ВИДЕО)
Алайда өзге азаматтар әйелге араша түскен.
Желіде алматылық ер адамның з көлігімен әйел жүргізушінің көлігін соғып, кейін оны ұрып-соқпақ болған бейнежазбасы тарады.
Алайда бейнежазбадан өзге азаматтардың әйелге араша түскенін көруге болады.
«Рысқұловтағы Магнум автотұрағы. Қызды әрең арашалап қалдық, ұрып, тістеп алған», – делінген бейнеролик астындағы жазбада.
Қалалық полиция департаменті қазіргі таңда тергеу жүріп жатқанын айтты.
«Аталған дерек бойынша Жетісу аудандық полиция басқармасы тергеу жүргізіп жатыр. Оқиғаның мән-жайы анықталады. Құқық бұзушыға қатысты Қазақстан Республикасының заңнамасына сәйкес шаралар қолданылады», – деп хабарлады департаментің баспасөз қызметі.
