Шығыс Қазақстанда демалыс базасынан өрт шықты

Шығыс Қазақстан облысының өрт сөндірушілері демалыс базасындағы отты сөндірді, деп хабарлады Төтенше жағдайлар министрлігі.

Мәлімет бойынша, Риддер қаласы маңындағы жеке демалыс базасының аумағында 70 шаршы метр алаңда моншаның ағаш конструкциялары жанды.  

Өрт сөндірушілер жалынды жойып, оның басқа ғимараттарға таралуына жол бермеді. Зардап шеккендер жоқ, – деп қосты ведомство.