«Абай жастары» бағдарламасына құжат қабылдау басталды
Бір қатысушыға берілетін қарыздың ең жоғары мөлшері – 15 000 000 теңге.
«Абай жастары» ипотекалық бағдарламасына құжат қабылдау басталды. Бұл туралы Семей қаласының әкімдігі хабарлады.
Бір қатысушыға берілетін қарыздың ең жоғары мөлшері – 15 000 000 теңге. Егер тұрғын үйдің құны 15 млн. теңгеден асатын болса, айырманы өтініш беруші өз қаражаты есебінен қосымша төлейді.
- Пәтер сатып алу үшін бастапқы жарна-тұрғын үй құнының 10 %.
- Пайыздық мөлшерлеме-6 %.
- Несиелеудің ең ұзақ мерзімі — 19 жылға дейін.
- Өтініш берушінің төлем қабілеттілігі «Отбасы Банктің» ішкі құжаттамасына сәйкес айқындалады.
«Абай жастары» бағдарламасына кім қатысуға құқылы?
- Мемлекеттік тұрғын үй қорынан тұрғын үй алуға кезекте тұрған барлық кезекте тұрғандар 18 жастан бастап 35 жасқа дейін.
- Журналистер (БАҚ-тың штаттық қызметкерлері) 18 жастан 35 жасқа дейін.
- Мемлекеттік және бюджеттік мекемелерде жұмыс істейтін мәдениет және спорт қызметкерлері (18 жастан 35 жасқа дейін).
- Денсаулық сақтау қызметкерлері (мемлекеттік, республикалық және бюджеттік ұйымдарда/мекемелерде,КММ, ШЖҚ КМК штаттық қызметкерлері (18 жастан 35 жасқа дейін қоса алғанда).
Маңызды ескерту: егер ерлі - зайыптылар бағдарламаға қатысушы болса, онда ерлі-зайыптылардың біреуі ғана өтініш бере алады, ерлі-зайыптылардың екеуі де 35 жасқа дейін болуы керек.
Қалай және қайда өтініш беру керек
Өтінімдерді «Абай облысы Семей қаласының тұрғын үй инспекциясы бөлімі» ММ қабылдайды, мекен-жайы: Уранхаева 53, 2 - қабатта кеңсе, құжаттарды қабылдау 20.08.2024 ж.бастап 2024 жылдың 22 тамызына дейін (2 жұмыс күніне), қабылдау уақыты сағат 9.00-ден 18.00-ге дейін (түскі үзіліспен) жалғасады. Өтінімдерді қабылдау аяқталғаннан кейін барлық тілек білдірушілерден құжаттарды тексеру жүргізіледі, оған 2024 жылғы 26 тамызға дейін мерзім беріледі.
