Зерттеушілер ақылды адамның 7 белгісін анықтады
Бұған дейін Калифорния университетінің ғалымдары адамның интеллект коэффициенті (IQ) көбінесе генетика факторларына байланысты болатынын анықтаған еді.
Психологтар адамның жоғары интеллект коэффициентін (IQ) көрсететін белгілерді атады. Бұл туралы Daily Mail басылымы жазды.
Мамандардың айтуынша, жоғары IQ-дің белгілері қатарында кітап оқуға құмарлық, шашыраңқылық, өзімен-өзі сөйлесу, түнде ұйықтамау және көп сұрақ қою бар. Атап айтқанда, сарапшылардың пікірінше, өзімен-өзі сөйлесу адамның сенімділігіне, зейініне оң әсер етіп, жадты жақсартуы мүмкін, ал шашыраңқылық шығармашылық ойлаудың көрсеткіші болуы ықтимал.
«Егер сіз өзіңізбен сөйлесетін болсаңыз, бұл сіздің есі ауысқандығыңызды білдірмейді. Шын мәнінде, бұл сіздің орташа адамға қарағанда ақылдырақ екеніңіздің белгісі болуы мүмкін», — деп жазылған мақалада.
Сонымен қатар, жоғары IQ деңгейіне армандауға бейім адамдар мен интроверттер де ие екен.
Бұған дейін Калифорния университетінің ғалымдары адамның интеллект коэффициенті (IQ) көбінесе генетика факторларына байланысты болатынын анықтаған еді.
