373
Өзбекстан президенті Қазақстанның мемлекет және қоғам қайраткерлерін марапаттады
Өзбекстан президенті Шавкат Мирзиеев Қазақстанның бірнеше азаматын «Дустлик» («Достық») орденімен марапаттау туралы жарлыққа қол қойды.
Марапатталғандар қатарында мемлекет және қоғам қайраткерлері бар:
Қарин Ерлан Тынымбайұлы – мемлекеттік кеңесші;
Желдібай Руслан Сұлтанұлы – Президенттің ішкі саясат және коммуникациялар жөніндегі көмекшісі;
Жұманғарин Серік Мақашұлы – вице-премьер;
Балаева Аида Ғалымқызы – мәдениет және ақпарат министрі;
Атамқұлов Бейбіт Бәкірұлы – Қазақстанның Өзбекстандағы төтенше және өкілетті елшісі;
Хашимжанов Икрам Акрамович – Қазақстан Республикасы өзбектерінің этномәдени бірлестігі ассоциациясының төрағасы.
Награда бұл азаматтардың екі ел арасындағы өзара достық пен татулықты, бейбітшілік пен сенімді нығайтуға үлес қосқаны үшін берілген.
