ШҚО-дағы шахтада төрт адам қаза тапты

Шығыс Қазақстан облысында «Востокцветмет» ЖШС шахтасында төрт адам қаза тапты, деп хабарлады ШҚО Төтенше жағдайлар департаментінің баспасөз қызметі.

Қайғылы оқиға 31 тамыз күні сағат 17:30-да болған. Алдын ала мәлімет бойынша, кеншілер белгісіз заттан уланып қайтыс болған.

Тағы бір адам Шығыс Қазақстан облысы Глубоковский аудандық ауруханасына жатқызылды, оның жағдайын дәрігерлер тұрақты деп бағалап отыр.

Оқиғаның мән-жайы анықталып жатыр.