Қытай тілі қазақ мектептерінде оқу бағдарламасына енгізіле ме?
Сарапшылардың пікірінше, бұл Ресей нарығында бірқатар азиялық қосымшалардың пайда болуымен, сондай-ақ электроника өндірісі үшін қытайлық жабдыққа көшумен байланысты. IT компаниялар корей тілін білетіндерге де қызығушылық танытып отыр
Мәскеуде қытай тілі ағылшын, француз және неміс тілдерімен қатар екінші шет тілі ретінде оқытылатын мектептердің саны айтарлықтай өсті, деп жазады turkystan.kz inbusiness.kz-ке сілтеме жасап.
Бірнеше жыл бұрын Ресей астанасында олардың саны 40-қа жуық болса, бүгінде 98-ге жетті. Қытай тілі 2019 жылы Бірыңғай мемлекеттік емтихан бағдарламасына енгізілді. Бұл оның студенттер арасында танымалдығының артуына ықпал етті. Бұл кездейсоқ емес, IT-нарықта қытай тілін білетін мамандарға сұраныс артып келеді: ағымдағы жылдың жеті айында ресейлік рекрутингтік сайттардағы осы критерийі бар бос жұмыс орындарының саны 65%-ға дейін өсті.
Сарапшылардың пікірінше, бұл Ресей нарығында бірқатар азиялық қосымшалардың пайда болуымен, сондай-ақ электроника өндірісі үшін қытайлық жабдыққа көшумен байланысты. IT компаниялар корей тілін білетіндерге де қызығушылық танытып отыр.
Қытай тілі Қазақстанда да оқытылады, бірақ әзірге тек еліміздің жетекші университеттерінде ғана оқытылады. Осы жылдың шілде айында Қазақстан Президенті мен Қытай Халық Республикасының Төрағасы Си Цзиньпин ШЫҰ аясында бірлескен мәлімдемеге қол қойды. Мұнда қытай тілін үйренуге де қатысты сөз қозғалды.
