494
Қызылордалықтар автокөлігіне 290 млн теңгеге VIP нөмір сатып алған
Жыл басынан бері облыста Мамандандырылған ХҚКО-да 2700-ден астам автокөлік тіркеліп, 1197 жүргізуші куәлігі берілген
Қызылорда облысында биыл VIP мемлекеттік нөмірге тұрғындар 290 миллион теңгеден астам қаражат жұмсаған, деп хабарлады turkystan.kz kazinform-ға сілтеме жасап.
«Биыл өңірде 070, 077, 101 цифрлық белгісі бар мемлекеттік нөмірлер жоғары сұранысқа ие болып отыр. Әрбір осындай нөмірдің мемлекеттік баж мөлшері 57 айлық есептік көрсеткішті (2024 жылы - 210 444 теңге) құрайды. Ең қымбат әріптері бірдей VIP нөмірлер - 001, 002, 003, 004, 005, 006, 007, 008, 009, 777. Әрбір осындай нөмір үшін мемлекеттік баж 285 АЕК құрайды, ол шамамен 1 052 220 теңге», - деп мәлім етті Мамандандырылған Халыққа қызмет көрсету орталығынан.
Айта кетсек, жоғары сұранысқа ие нөмерлерді сату республикада 10 жыл бұрын енгізілді.
Жыл басынан бері облыста Мамандандырылған ХҚКО-да 2700-ден астам автокөлік тіркеліп, 1197 жүргізуші куәлігі берілген.
