244
Көк бөріден Қазақстан құрамасы күміс жүлде иеленді
Қырғыз спортшылары үш кезеңде де басымдық танытып, 4:10 есебімен жеңіске жетті.
12 қыркүйекте көк бөріден Қазақстан және Қырғызстан құрамалары V Дүниежүзілік көшпенділер ойындарынының финалында кездесті.
Елордадағы «Қазанат» ипподромында өткен финалда қырғыз спортшылары үш кезеңде де басымдық танытып, 4:10 есебімен жеңіске жетті.
Осылайша, Қырғызстан қоржынына 11-алтын медаль түсті. Ал Қазақстан құрамасы күміс жүлде иеленді. Көк бөрі додасында қола жүлдені Түркия командасын 12:4 есебімен жеңген Ресей құрамасы еншіледі.
