Алматы метросының жолаушылары ән мен күйге бөленді
Қала күнін мерекелеу аясында Алматы метрополитені жерасты көлігінің жолаушыларына жағымды және ұмытылмас әсер қалдыратын музыкалық және мәдени іс-шаралардың орталығына айналды.
Қазір метро станцияларында танымал әртістер, актерлер, музыкалық және би топтары өнер көрсететін концерттер өтуде.
Көрермендер «Алматы әуендері» әртістері мен шығармашылық ұжымдарының өнеріне ынталы жауап берді. Симфониялық және джаз оркестрлері пойыздарды күтуді шынымен сиқырлы нәрсеге айналдырды. Вагондардан шыққан метро жолаушылары жанды концертке таң қалды. Көбісі тоқтап, барлық қойылымды соңына дейін тыңдады. Әдеттегі қарбаластың орнына жылдам қоғамдық көлікті пайдаланушылар музыка мен өнер әлеміне тікелей станцияларда сүңгіп кетті.
Мерекелік іс-шаралар басталғаннан бері Алматы метрополитенінің станцияларында Жәмиля Серкебаева, «Ulytau» тобы, Алматы қаласы әкімінің эстрадалық-симфониялық оркестрі, Алматы қаласы камералық оркестрінің ішекті квартеті, Саят Нұрғазин, Марта Төлепберген, Дәурен Байбори, Жеңіс Еранов, Гариф Игисинова, Димаш Дәулетов, фольклорлық - «Сазген сазы» этнографиялық ансамблі, «АСУ» аспаптық ұжымы. «Жаңа гасыр» Жастар театрының музыкалық қойылымы жер асты жолаушыларына ерекше назар аударды.
Сонымен қатар, қала әкімдігінің мұражайлары, мұрағаттары мен кітапханалары метрополитен станцияларында тақырыптық көшпелі көрмелер ұйымдастырды. Көрмеге келушілерге қаланың ХХ ғасырдың бірінші жартысынан бастап қазіргі заманғы мегаполиске айналуы бейнеленген Алматының фото тарихымен танысуға мүмкіндік беріледі.
Көрмелер Алматы қаласы метрополитенінің «Жібек жолы», «Алмалы», «Байқоңыр», «Мұхтар Әуезов атындағы Театр», «Сайран», «Мәскеу», «Сарыарқа» станцияларында 2024 жылғы 15 қыркүйекке дейін сағат 10.00-ден 21.00-ге дейін өткізіледі.
Кез-келген станциядағы концерттердің өзіндік ерекшеліктері бар. Сенбі 14 қыркүйекте қала тұрғындары мен қонақтары метродағы келесі іс шараларға қатыса алады:
- «Жібек жолы» станциясында сағат 18.00-де Bingo Bongo ұжымы өнер көрсетеді;
- «Байқоңыр»станциясында сағат 18.00-де «Горец» үлгілі балалар-жасөспірімдер хореографиялық халық би ансамблі өнер көрсетеді;
- «Мәскеу» станциясында сағат 18.00-де «Жива»фольклорлық ансамблі өнер көрсетеді;
- «Алмалы» және «Сарыарқа» станцияларында сағат 18.30-да YUKSAL соққы-үрмелі ансамблі өнер көрсетеді.
