482
Ербаян Мұхтар Түркияда емделетін болды
Ұлттық ұлан сарбазы Ербаян Мұхтар Түркияға емделуге баратын болды.
Әскерде белгісіз себептермен ауыр соққы алған Ербаян Мұхтар емделу үшін Түркияға ұшатын болды, деп хабарлады turkystan.kz Ұлысмедиаға сілтеме жасап.
Бұл туралы әлеуметтік желіде сарбаздың нағашы ағасы жариялады.
Оның айтуынша, Ербаянды Түркияға жеткізу үшін мемлекет арнайы борт шығарған. Түркияға арнайы борт Әзербайжан мен Армения арқылы ұшады. Әзербайжан тарапы рұқсат берген. Қазір Армениядан жауап күтіліп отыр.
Ербаян Мұхтардың ем-домы Ыстамбұлда жалғасады.
Жақында Ербаян Мұхтардың әкесі мен шешесі, адвокаты Инга Иманбай Астанадағы Ұлттық баспасөз клубында баспасөз мәслихатын өткізген еді. Сол кезде заңгер Инга Иманбай Ербаянның ісі қазір мүлде жүрмей жатқанын жеткізген.
