«Бұрын болмаған кездесу»: Қыдырәлі Болман сотталғандармен жүздесті (ВИДЕО)

Әнші Қыдырәлі Болман Павлодар қаласындағы жалпы режимдегі колонияда жазасын өтеп жүргендермен кездесті, деп хабарлады turkystan.kz.

Бұл туралы өнер иесі әлеуметтік желідегі парақшасында жариялады. Кездесу мақсаты - Республика күні мерекесі қарсаңында жазасын өтеп жүрген азаматтармен рухани әңгіме құру, қолдау көрсету мақсатында ұйымдастырылған.

«Мүмкін бір сөзім біреуге демеу, біреуге үміт,ал беруге жұбаныш болар. Тым болмаса, қазір қиындыққа түсіп, қамауда отырған, сынақта жүрген, Отандас бауырларға амандасып, жақсы тілек тілеп, жүз көрсетіп, ізет білдіріп қайтармын.. Алла көріп тұр,- ниет түзу ! Ол жақтағы бауырларға да, маған да  Алла жар болсын деп жолға шықтым», - деп жазды Қыдырәлі Болман.