172
Абай облысында 10 млн теңгенің есірткісі жасырылған қойма анықталды
Тәркіленген есірткінің жалпы салмағы 66 келіден астам кептірілген марихуана екені анықталды.
Абай облысында полиция 10 млн теңгенің есірткісі бар қойманы анықтады
«Қарасора» және «Учаске» ЖПІШ барысында полицейлер Семей қаласының маңындағы қараусыз қалған үйден үш қорап есірткі тауып алды. Бұл орынды есірткі сатушылар уақытша қойма ретінде пайдаланған.
Полицейлер күдіктіні анықтады, ол бұрын сотталған 40 жастағы семейлік болып шықты. Тәркіленген есірткінің жалпы салмағы 66 келіден астам кептірілген марихуана екені анықталды. Қара нарықта мұндай есірткінің құны шамамен 10 миллион теңгені құрайды.
Есірткі құралдарын аса ірі мөлшерде заңсыз сақтау фактісі бойынша сотқа дейінгі тергеп-тексеру басталды. Күдікті уақытша ұстау изоляторына қамалды.
Полиция қызметкерлері қылмыстық іс бойынша айыпталушылардың қылмыстық әрекеттерінің барлық эпизодтарын анықтау бойынша жұмысты жалғастыруда. Тергеу жүргізіліп жатыр
