Қазақстанда АЭС салу бойынша референдум басталды

Қазақстанда республикалық референдум басталды. Онда азаматтар республикада атом электр станциясын салу немесе салмау туралы шешім қабылдайды.

Қазақстан заңнамасына сәйкес референдум – бұл Конституция, заң жобалары және мемлекеттік өмірдің басқа да маңызды мәселелері бойынша бүкілхалықтық дауыс беру. Оны “Республикалық референдум туралы” конституциялық заң реттейді, ал ұйымдастырумен арнайы құрылған комиссия айналысады.

Бүгін, 6 қазанда дауыс беру сайлау учаскелерінде 07:00-ден 20:00-ге дейін өтеді. Сонымен қатар 80-нен астам учаске жұмысын 06:00-де бастады. Республика бойынша барлығы 10 000-нан астам дауыс беру учаскесі бар.

Референдумда 18 жасқа толған Қазақстанның барлық азаматтары дауыс бере алады. Дауыс беру бюллетеньдері қазақ және орыс тілдерінде басылады.