«Әскерге көшеден алып кету - заңды»: Қорғаныс министрлігінің өкілі өзекті сұраққа жауап берді
Биылғы күзде 20 мың адамды әскер қатарына шақыру жоспарланған.
Орталық коммуникациялар қызметінде өткен брифинг барысында аталған минисрліктің өкілдері журналистердің сұрақтарына жауап берді, деп хабарлады turkystan.kz.
«БАҚ-та және әлеуметтік желілерде осындай оқиғалар жазылып жатады. Бірақ бұлардың саны көп емес. Әскер қатарына жылына 40 мыңға тарта адамды шақыратын болсақ, олардың арасында осындай бірді-екілі жағдайлар болып қалуы мүмкін. Оның өзінде Ішкі істер органдары тиісті түрде әскерден жалтарып жүргендерді іздестіру шараларын жүргізіп, оларды армияға алып келуді қамтамасыз етеді. Сондықтан да олардың іс-әрекеті заңды», - деді Қорғаныс министрілігінің ресми өкілі подполковник Руслан Жангулин.
Алайда, ведомство өкілдерінің айтуынша, әскерден жалтарған жастарды көшеден ұстап әкетуге жол берілмейді. Өйткені, жігіттердің әскерге өз еріктерімен келуі әлдеқайда маңызды.
