700
«Қызды қылмыскерден құтқарған»: Семейде полицей жол апатынан мерт болды
Полиция департаменті қаза тапқандардың туыстары мен жақындарына көңіл айтады
Абай облысында жол апатынан полиция қызметкері қаза тапты, деп хабарлады Абай облыстық ПД баспасөз қызметі.
Жол апаты 18 қазанда «Омбы-Майқапшағай» тасжолында болған.
«Омбы — Майқапшағай» автожолында үш көліктің қатысуымен жол-көлік оқиғасы болды. Соқтығысу нәтижесінде үш азамат, оның ішінде Семей қаласының полиция аға сержанты Ахатов Асхат қаза тапты. Осы факті бойынша сотқа дейінгі тергеу басталды. Барлық жағдайлар анықталады», - делінген хабарламада.
Полиция департаменті қаза тапқандардың туыстары мен жақындарына көңіл айтады.
Айта кетейік, қайтыс болған полиция қызметкері наурыз айында қызды қылмыскерден арашалаймын деп пышақ жарақатын алған.
