469
Ақтөбеде балаға азғындық жасады деген күдікті өлі күйінде табылды
ҚАЖД мәліметінше, зорлық-зомбылық белгілері табылмаған
Ақтөбе тергеу изоляторында балаға азғындық жасады деген күдікке ілінген ер адам өлі күйінде табылды, деп хабарлады turkystan.kz tengrinews.kz-ке сілтеме жасап.
Күдікті өз-өзіне қол жұмсаған болуы мүмкін. ҚАЖД мәліметінше, зорлық-зомбылық белгілері табылмаған.
"Ақтөбе қаласының аралас қауіпсіздік мекемесінде тергеу-қамауға алынған, 16 жасқа толмаған балаға азғындық жасады деген күдікке адамның өзіне-өзі қол жұмсау оқиғасы тіркелді. Алдын ала мәліметтер бойынша, зорлық-зомбылықпен өлім белгілері табылған жоқ. Осы дерек бойынша соталды тергеу басталды. Сараптама тағайындалды", - деп хабарлады Ақтөбе облысының қылмыстық-атқару жүйесі департаменті.
