Жазғы дөңгелекті ауыстырмаған жүргізушілерге айыппұл салынады

Алматы полиция департаменті осындай айыппұлдар туралы ескертті.

Ауа-райының нашарлауына байланысты департамент жүргізушілерге жазғы доңғалақтарын алдын ала қыстыққа ауыстыруды ұсынады.

«Қыс кезеңінде (желтоқсан, қаңтар, ақпан) қысқы дөңгелектермен жабдықталмаған көліктерді пайдалануға тыйым салынады. Көліктің барлық дөңгелектері қысқы доңғалақтарға ауыстырылсын», – деді Алматы қалалық полиция департаменті әкімшілік полиция басқармасының бастығы Асхат Құлбаев.

1 желтоқсаннан кейін аталған талаптарды бұзғаны үшін 18 460 теңге айыппұл қарастырылған.