272
Мақта зауытында өрт шығып, 40 тонна мақта жанып кетті
Мақтаарал ауданына қарасты Ақалтын ауылында орналасқан мақта өңдейтін зауыт аумағында өрт шықты.
Құтқарушылар 80 тонна мақтаны өрттен аман алып қалды.
Өрт мақта жинайтын жерде шығып, 150 шаршы метрге тараған. 40 тоннаға жуық шикізат жанып кеткен.
Құтқарушылар өртті қалған 350 шаршы метрге жібермей, сөндіріп, 80 тонна мақтаны сақтап қалды.
Қазіргі уақытта өрт толықтай сөндірілген. Зардап шеккендер жоқ. Өрт себебі белгісіз. Тергеу жүріп жатыр.
