253
Амир Омарханов Кореядағы турнирдің чемпионы атанды
Қазақстандық теннисшілер Ванджу (Оңтүстік Корея) қаласында жасөспірімдер арасында өткен ITF J300 турнирінде табысты өнер көрсетті.
Жұптық сында жарыстың бірінші ракеткалары, қазақстандық Амир Омарханов пен кореялық Хойонг Рох үздік шықты, деп хабарлады turkystan.kz порталы ҚТФ-қа сілтеме жасап.
Қазақстандық-кореялық жұп финалда корт иелері Йенсу Джейонг пен Джангжун Кимді айқын басымдықпен ұтты. Есеп - 6:2, 6:2.
Қыздар арасында Мәлика Әмірғалиева тайбэйлік Ю Чен Лимен бірге жұптық сында финалға дейін жетті. Олар соңғы, тартысты бәсекеде кореялықтар Йесунг Чо мен Су Джонгқа есе жіберді Есеп - 6:1, 5:7, 8:10.
Жекелей сында 16 жасқа дейінгілер арасында Азия рейтингісінде көш бастаған Заңғар Нұрланұлы жартылай финалда осы жарыстың бірінші ракеткасы, кореялық Хойонг Рохқа жол берді. Есеп - 4:6, 1:6.
