274
Ресей азаматы қаржы пирамидасын құрып, қазақстандықтардан 1 млрд теңге алған
Астана қаласының қылмыстық істер жөніндегі мамандандырылған ауданаралық соты трансұлттық ұйымдасқан топты құрды және оған басшылық жасады деп айыпталған К-ға қатысты үкім шығарды.
Ресей Федерациясының азаматы К., 2016 жылдың наурызы мен 2017 жылдың маусым айы аралығында басқа адамдармен бірге трансұлттық ұйымдасқан топтың құрамында алдын-ала сөз байласу арқылы қаржы пирамидасын құрып, салымшыларды тартқан.
Қылмыстық іс-әрекеттердің нәтижесінде Қазақстан Республикасының 529 азаматына жалпы сомасы 1 млрд теңгеден астам материалдық залал келген. Олар компанияның ойдан шығарылған инвестициялық жобаларына ақша салған.
Сот үкімімен кінәлілер 11 жылға бас бостандығынан айырылды.
Үкім заңды күшіне енген жоқ.
