291
Қазақстандық балуан Ержет Жарылқасынға көлік сыйға берілді (ВИДЕО)
Ал жеке бапкері Асылжан Байзақовқа 3 000 000 теңгенің сертификаты табысталды.
Грек-рим күресінен әлем чемпионатында күміс медаль еншілеген Ержет Жарлықасынға көлік сыйға берілді. Бұл туралы Жамбыл облыстық спорт басқармасы мәлім етті.
Әлемдік сайыстан жүлделі оралған Ержет Жарлықасынды туған жері Жамбыл облысының жұрты ыстық ықыласпен қарсы алған. Балуанға облыстық күрес федерациясының президенті Әлімбек Жұмабаев су жаңа Toyota Camry автокөлігін және жеке бапкері Асылжан Байзақовқа 3 000 000 теңгенің сертификатын табыстады.
Айта кетейік, Ержет Жарлықасын Албания астанасы Тиранада өткен олимпиадалық емес салмақ санаттары бойынша әлем чемпионатында күміс жүлде иеленді. Ол 63 кг дейінгі салмақ дәрежесінің финалында әзербайжандық Нихад Захид Мамадлиден 1:6 есебімен жеңіліп қалған болатын.
