279
Қарағандыда аса ірі көлемде есірткі тасымалдаған әскери командир ұсталды
10 қарашада Балқаш – Сарышаған тас жолында полиция қызметкерлері нөмірі жоқ көлікті тоқтатқан.
Автокөлікті тексеру барысында аса ірі мөлшердегі есірткі заттары табылған, деп хабарлайды turkystan.kz.
31 жастағы жүргізуші ұсталды. Полиция ақпаратты растады.
«Автокөлікті тексерген кезде жүксалғышынан ақ түсті ұнтақ салынған 18 пакет шықты. Пакеттердің жалпы салмағы 12 келіні құрады. Оқиға орнына шақырылған жедел-тергеу тобы тыйым салынған зат екенін анықтады», - деді ведомство.
Бұқаралық ақпарат құралдарында ұсталған күдіктінің әскери гарнизонның командирі екені айтылуда. Полиция департаменті күдіктінің кім екенін нақтылаған жоқ. Оның қазір уақытша ұстау изоляторына қамалғаны ғана белгілі.
