Талғар қаласы әкімінің орынбасары тағайындалды
Жаңа орынбасар еңбек жолын ауылдан бастаған.
Бауыржан Байбатыров Талғар қаласы әкімінің орынбасары қызметіне тағайындалды, деп хабарлайды turkystan.kz.
Ол 1987 жылы 29 қазанда дүниеге келген. Орталық Азия университетін «Юриспруденция» мамандығы бойынша тәмамдаған. Мемлекеттік қызметте 8 жылдан астам еңбек өтілі бар.
Еңбек жолын 2014 жылы Бөлек ауылдық округінде әкім аппаратында маман болып бастаған.
2018-2020 жылдары Еңбекшіқазақ ауданы Мемлекеттік кіріс басқармасының бас маманы болды.
2023 жылдан бастап бүгінгі қызметіне тағайындалғанға дейін Талғар ауданы әкімі аппаратының мемлекеттік құқық бөлімінің бас маманы болып жұмыс істеген.
Айта кетейік, 15 қарашада Талғар ауданы әкімі аппаратының жетекшісі болып Нұржан Абдалимов тағайындалған болатын.
Оған дейін аты шулы Хасан Қасымбаевтың ағасы Аслан Қасымбаев әкім аппаратының жетекшісі қызметінен босатылған еді.
