Полиция Екібастұзда үйінен кетіп қалған жасөспірімді дрон арқылы тапты

22 қараша күні таңертең 9-сынып оқушысының ата-анасы полицияға ұлдарының түнгі үште үйден кетіп, оралмағанын хабарлап, көмек сұраған.

Полицейлер тек облыс бойынша ғана емес, көршілес аймақтарға да хабар жіберген.  Жоғалған бала туралы ақпарат БАҚ пен әлеуметтік желілерде де жарияланды.

Іздеуге 300-ге жуық азамат атсалысты: полиция және ТЖ қызметкерлері, еріктілер. Сонымен қатар екі іздеуші ит, тікұшақ, дрон пайдаланылды.

Дрон көмегімен сағат 13:00-де полиция саяжай аумағынан жасөспірімді тапты.

Қазір Тамерлан туыстарымен бірге.

 

Серіктес жаңалықтары