Тұтынушылардың бірі “Magnum” дүкенінің жұртты қалай алдап жүргенін айтып берді. Оның бұл сөздеріне дәлелдері де жоқ емес. Бұл туралы Zakon.kz басылымы жазды.
Ер адам отандық дүкендердің біріндегі таразылардың қалай жұмыс істейтінін анықтап көрмек болған екен. Сыртында 640 грамм деген жазуы бар шұжықты өлшегенінде 200 грамм кем шығады. Тағы бір шұжықты дәл осылай өлшеп көріп, дүкендегі таразының дұрыс жұмыс істемейтініне көз жеткізеді.
Артынша ер адам таразының не себепті дұрыс істемейтіні туралы сатушы қыздан сұрайды. Алайда бойжеткен сұрақтарға жауап беруден қашып, үнсіз тұрып қалады. Осыдан кейін видеоны түсіріп тұрған әйел адам осы мәселеге байланысты менеджерге немесе әкімшілікке шағымдану керек деп шешеді.
