296
Собчак сайлауға бойкот жариялаудан бас тартты
Собчак сайлауға бойкот жариялаудан бас тартты
Собчак сайлауға бойкот жариялаудан бас тартты, Навальныйды сенімді өкілі болуға шақырды. Тележүргізуші Ксения Собчак Алексей Навальныйды президенттік сайлауға қатысуға жібермеуін "тым әділетсіз әрі биліктің кезекті үлкен қателігі" деп атады.
Бірақ соған қарамастан, ол оппозиционердің бойкот жарияла деген үндеуінен бас тартты. Собчак Навальныйдың 2011 жылы сайлау алдындағы "бойкот жұмыс істемейді әрі оның саяси күресте мағынасы жоқ, қазіргі президент Владимир Путинге ұпай жинауға көмектеседі" деген сөздерін мысалға алды.
"Мен түсінемін, дәл қазір Алексейге [Навальный] қаншалықты ауыр екенін, бірақ ортақ іс маңызды", – деп жазды Собчак инстаграмдағы парақшасына. Ол барлық демократиялық оппозициялық күштерді бірігуге шақырып, Навальныйға өзін кандидат ретінде ресми тіркеген жағдайда, сенімді өкілі болуға ұсынды.
Алексей Навальный 25 желтоқсанда өзінің алты жыл бұрын "сайлауға қатысып, "Единая Россиядан" басқа кез келген партияға дауыс беру керек" деп айтқан сөздерінен бас тартатынын мәлімдеді. Ол енді "кез келген Путинге қарсы дауыс" Путинге берілген дауыс болып есептеледі деп санайды.
25 желтоқсанда Орталық сайлау комиссиясы Алексей Навальныйды Ресей президенттігіне үміткер ретінде тіркеуден бас тартты.
