3 метрлік жылан иесін шағып өлтірді

Оқиға Ресейдің Санкт-Петербург қаласында болған. Тәртіп сақшылары улы жәндік шаққан әйелдің мәйітін оның Калинин ауданындағы пәтерінен тауыпты, деп хабарлайды 24.kz.

Марқұм әйел жыланды бірнеше жылдан бері үйінде асыраған екен. Полицияның мәлімдеуінше, жылан уыты әйелдің денесіне аллергиялық кері әсері еткен. Сондай-ақ үй иесінің террариумдар жасап, сатумен айналысқандығы да анықталды.