«Қалаулым» бағдарламасы жабылатын болды

Еуразия бірінші арнасынан шығатын «Қалаулым» бағдарламасы 2018 жылдың 25 сәуіріне дейін жабылатын болды. Осылай деп «Нұр Отан» партиясы жанындағы «Мирас» республикалық кеңесі ҚР Ақпарат және телекоммуникациялар министрлігіне ұсыныс жасады. Сүйінші хабарды айтыскер ақын Айнұр Тұрсынбаева өзінің instagram-парақшасына бөлісті. «Мемлекеттік арналар ашып жатқан тележобалар көрші елдің ескірген телебағдарламаларының сәтсіз көшірмесі екендігін ескере отырып, соның бірі ұлттық мәдениетімізге нұқсан келтіретін «Қалаулым» бағдарламасын сараптамадан өткізіп, ары қарай жұмыс жасауына шектеу қою. Орындау мерзімі – 25 сәуір 2018 жыл»,  – деп жазылған «Нұр Отан» партиясы жанындағы «Мирас» республикалық кеңесінің ұсынысында. Еске сала кетейік, атышулы «Қалаулым» бағдарламасын бұған дейін зиялы қауым өкілдері мен өнер адамдары біраз сынға алған. Олар бұл шоудың қазақ менталитетіне сай емес екенін айтып, оны жабуды талай талап еткен.

Серіктес жаңалықтары