369
Алматы түбінде айналма теміржол салынады
Алматы түбінде айналма теміржол салынады
Алматы түбінде айналма теміржолы салынады. Бұл туралы Алматы өңірлік коммуникациялар қызметіндегі баспасөз конференциясы барысында белгілі болды, деп хабарлайды ҚазАқпарат тілшісі.
«ҚТЖ-жүк тасымалы» АҚ Алматы қалалық филиалының директоры Сәрсебек Жапаров Алматы-1, Алматы-2 вокзалдарының ахуалы туралы айтып берді. Аталған вокзалдарды жөндеу жұмыстары 2019 жылға белгіленген. «Мен бұл жобаға қатыстым. Алматы-1 вокзалында аралдық платформа, 1 бағыттағы эскалатор бар. Осы эскалаторлар болашақта екі жақты болады. Ол толығымен жабық болады. Жерасты жолында да эскалаторлар болады. Бірінші перронда эскалатор орнатылады. Ағымдар бірнеше бөлікке бөлінеді. Алматыдан кететін жолаушылар вокзал арқылы, келетіндер терминал арқылы жүретін болады", - деді Сәрсебек Жапаров. Оның айтуынша, қазір аталған жобалар бойынша келіссөздер жүргізіліп жатыр. Жоба құны шамамен 200 млрд теңге болмақ. 2020 жылы «Алматы-2-Алматы-1» учаскесінде айналма темір жолының құрылысы басталады. Ол қаланың темір жол торабынан тыс жүргізіледі. Бұл транзиттік пойыздарды «Алматы-1» вокзалына бармай айналып өтуі үшін жасалады. «Айналма темір жолы оңтүстік жағынан Қазыбек би стансасымен, солтүстік жағынан Жетіген стансасымен тұйықталады. Трасса Мойынқұм құмынан ҰҚК оқу полигонының тұсынан өтеді. Одан әрі оңтүстік батысында «Алматы эксплуатациялық бөлімі» ММ түйіседі. Одан әрі Жетігенге кетеді. Трассаның ұзындығы сағатына 74,9 шақырым. Жол 15 шақырымдық 4 бөлікке бөлінеді. Трассада 3-4 қабылдау-аттандыру жолдары болады", - деді Жапаров.
