МҰХТАР БАЙБОСЫННЫҢ СУРЕТ КӨРМЕСІ ӨТТІ

Елбасы кітапханасында ҚР суретшілер Одағының мүшесі, суретші Мұхтар Байбосынның «Өнерлі елдің оты сөнбес» жеке көрмесі өтті. Бұл туралы ҚР Тұңғыш Президенті - Елбасы кітапханасының баспасөз орталығы хабарлады. Көрме заманауи бейнелеу өнерін қолдау мақсатында Елбасы кітапханасының серіктестік жобасы аясында ұйымдастырылды. Көрмеде Мұхтар Байбосынның 30-дан астам графика мен қолданбалы өнер жанрындағы екі негізгі тақырып бойынша: атақты батырлар мен XIX–XX ғғ. қайраткерлер бейнесі, поэтикалық және қазақтың дәстүрлі саз мектебі өкілдерінің бейнелері мен Ұлы даланың пейзаждары қойылды. Көрмені Елбасы кітапханасының директоры, саяси ғылымдар докторы Әмірхан Мұратбекұлы құттықтау сөзімен ашты:

«Елбасы кітапханасының серіктестік жобасы аясында ұйымдастырылып отырған бүгінгі іс-шараның басты мақсаты - Елбасының ұлттық мәдениетімізді, оның ішінде «Рухани жаңғыру», «Ұлы даланың жеті қыры»атты бағдарламалық мақаласында көрсеткен құндылықтарды дамыту бойынша бастамаларын ілгерілету және қазіргі заманғы бейнелеу өнеріне қолдау көрсету арқылы жастарды тәрбиелеу, сабақтастықты қамтамасыз ету». Мұхтар Байбосын Алматы қаласында дүниеге келген. Бала кезінен сурет өнерін жақсы көрген ол 1987 – 1991 жж. Н.В.Гоголь атындағы Алматы көркемсурет училищесінде оқып, содан соң 1991 жылы Абай атындағы Алматы Мемлекеттік университетінің көркем графикалық факультетіне түсіп, оны 1995 жылы тәмәмдаған.

Еңбек жолын Алматыдағы қалалық коммуникацияларды ұйымдастыруға графикалық дизайнер ретінде бастады. Кейінгі жұмыс негізінен оқытуға байланысты. Көптеген жылдар бойы Мұхтар Қайратұлы оларды арт-графика факультетінде ҚазҰПУ-да сабақ берді. Абай атындағы Алматы сәулет-құрылыс институтында. Елордаға қоныс аударған суретші Л.Н.Гумилев ЕҰУ-де өзінің оқытушылық қызметін жалғастырады. 2011 жылдан бастап Мұхтар Байбосын Қазақ ұлттық өнер университетінде жұмыс істейді. Қазіргі уақытта Қазақстан Республикасы Ұлттық музейінің балалар шығармашылығы өнері мен музей педагогикасы секторының қызметкері. 2016 жылы кескіндеме бойынша магистр дәрежесін алды. 2018 жылы суретшіге ҚазҰӨУ-нің доценті ғылыми атағы берілді. Суретшінің өз туындыларына кейіпкер таңдаудағы қағидасы қазақтың бай мұрасын қадірлей біліп, оны келесі ұрпаққа қалдыру мақсатынан туындайды.

«Әлем күнделікті өзгеріп жатыр. Осындай жағдайда адамгершілік, үйлесім, өзара сыйластық, сезімді қадірлей білу қасиеттері бүгінгі заманда аса құнды. Бұл қасиеттерді біз жоғалтып алмауымыз керек. Адами құндылықтарды қазақ ақындары мен күйшілеріміз жырлаған. Суретшілердің мақсаты осы құндылықтарды бүгінгі ұрпаққа бейнелеу өнері арқылы ұғындыру», – деді Мұхтар Байбосын. Мұхтар Байбосынның көрмесі 2019 жылдың 17 мамырына дейін жалғасады

Серіктес жаңалықтары