Қостанайлық полицейлер латын қарпін үйреніп жатыр

Қостанай облысы Полиция департаментінің қызметкерлері апта сайын Тілдерді оқыту орталығында білім алады. Алдағы бірер күнде 26 полицей емтиханды сәтті тапсырған соң латын графикасы курсын аяқтағаны туралы сертификатқа ие болады. Тамыз айының соңына дейін тағы 22 қызметкер латын қарпін меңгереді. Бұл туралы ПД Баспасөз қызметі хабарлады. Олардың арасында облыстық Полиция департаменті медициналық бөлімінің басшысы Қайрат Нұртазенов ерекше атап өтуге болады. Оның айтуынша, мұнда алған білімдерін ол өз жұмысында қолдана алады және осындай курстардан өтуге өзге де әріптестеріне кеңес береді. Медициналық бөлім басшысымен бірге бұл сабаққа 6 қызметкер қатысады. - Курстарға мемлекеттік тілді меңгерген, сондай-ақ, оқуды бастаған0 және орташа тілдік деңгейі бар адамдар да қатысады, - дейді облыстық ПД Ішкі және сыртқы коммуникациялар бөлімінің қызметкері Әсеман Түгелбаева. Полиция қызметкерлері арасында оқу үрдісін ұйымдастырып қана қоймай, сонымен қатар, курстарды бітіргені туралы сертификат алғандар да бар. - Осы жұмысқа жауап беретін қызметкер ретінде, бірінші кезекте, мен латын графигін өзім жетік меңгердім. Алдағы уақытта департаменттің әрбір қызметкері міндетті түрде латын қарпін оқитын болады, - деді Ә. Түгелбаева.

Серіктес жаңалықтары