Елорда әкімі екі мектептегі құрылыс барысымен танысты

Елордада оқушылар орнының тапшылығын шешу үшін 3 жаңа мектеп пен 5 қосымша құрылыс пайдалануға беріледі. Қала әкімі Алтай Көлгінов «Көктал-2» тұрғын үй алабындағы екі қосымшасының  құрылысы барысымен танысты. Бұл туралы қала әкімдігінің ресми сайты хабарлады. Сонымен, № 68 мектептің жаңа ғимараты үш ауысымды оқыту мәселесін шешуге көмектеседі. Қосымша құрылыс 500 орынға есептелген. Ғимаратта кең сыныптар, асхана және спорт залы болады. Балалар жаңа корпуста оқу жылының басынан бастап айналыса алады деп жоспарлануда. Тек спорт залы еден жабынының жұмысына байланысты кейінірек тапсырылады. Мектеп ғимаратының өзі 2011 жылы 800 оқушы орнына салынды. Сонымен қатар қала әкімі №40 мектептің қосымшасының құрылысы барысымен танысты. Жаңа корпус 800 орынға есептелген, мектеп ғимаратының өзі – 700 орынға есептелген. Пайдалануға оқу жылының соңында беріледі. Мектептер жиһаздармен және техникалық жабдықтармен қамтылған. А. Көлгінов атап өткендей, оқу жылының басында мектеп территориясын аббаттандыру қажет. 5 жылдық кезеңде жинақы құрылыс бойынша кешенді жоспар аясында елордада 37 жаңа мектеп салу жоспарланған. Қалада 108 мектеп бар, 162 мың оқушы оқиды. Қыркүйек айында бірінші сыныпқа тағы 24 мың бала барады деп күтілуде.

Серіктес жаңалықтары