Есірткі саудасымен айналысатын 4800 сайттың жұмысы тоқтатылды

Елімізде есірткі саудасы белең алып барады. Оған қарсы тұру үшін құқық қорғау органдарының қызметкерлері интернет кеңістігін үнемі қадағалап отырады. Осы уақытқа дейін есірткі сататын 4800 сайт бұғатталған. Бұл туралы ҚР ІІМ баспасөз қызметі хабарлады. Елімізде жыл сайын маусым айынан қазан айына дейін ауқымды «Көкнәр» операциясы өтеді. Мақсаты – есірткі қылмыскерлерінің іс-әрекетін тоқтату. «Синтетиканы» саудалау жақсы табыс әкеледі, сондықтан қылмыскерлер түрлі айла-тәсілдерге барады. Мәселен, 9 шілдеде Алматы облысының Талғар қаласының пошта бөлімшесінде салмағы 110 грамм 7 экстази салынған пакеті бар 27 жастағы алматылық әйел ұсталды. Сәлемдеме әйелге Нидерланды Корольдігі атынан жіберілген. Сондай-ақ, тамыздың соңында Павлодар қаласында тінту кезінде ұрланған затты үйде сатушылардың бірінен 667 грамм «жылдамдық» психотропты заты табылды» делінген хабарламада. Байланыс құралдарының дамуына байланысты есірткі сатушылар тұтынушымен жүздеспей-ақ сауда жасай бастады. Интернет-сайттардың көмегімен олар есірткі сатып, оны келісілген жерге қояды. Тұтынушы мен сатушы бір-бірін көрмейді. Құқық қорғау органдарының қызметкерлері оларға қарсы тұру үшін интернет кеңістігін үнемі қадағалап отырады. Осы уақытқа дейін олар барлығы есірткі сататын 4800 сайтты бұғаттап, интернет-дүкендердің мекенжайы бар 1200 граффитиді анықтады.

Серіктес жаңалықтары