China News ЭКСПО-2017 көрмесінің маңызы жайлы мақала жариялады

«Чайна Ньюс» қытайлық интернет басылым төрткіл дүниеде жасыл технологияларды дамытудағы Астанада өтіп жатқан EXPO 2017 көрмесінің маңыздылығын атап өтті, деп хабарлайды 24.kz.  Осы шараға мақала арнаған авторлардың пікірінше, Қазақстан секілді Қытай да дәстүрлі энергия көздерінен тәуелділігін азайтуға тырысып жүр. Сондықтан Қытай тарапының ЭКСПО-ға қатысуы осы бағытта екі ел арасында тығыз серіктестіктің орнауына септігін тигізеді. «Астанада өтіп жатқан EXPO 2017 көрмесі болашақ технологиялардың дамуына күшті серпін береді. Тақырыбы да көрегендікпен таңдалған. Сонымен қатар, ол Қазақстанға дәстүрлі энергия көздерінен тәуелділігін азайтуға жол ашады», – делінген мақалада.  

Серіктес жаңалықтары